Forcat kryengritëse të Ushtrisë së Lirë të Sirisë kanë kryer një sulm me raketa ndaj Pallatit popullor në rrafshlartën mbi Damask, objektin ku është e vendosur zyra e presidentit Asad.
Pas sulmit, në afërsi të pallatit u mblodh një numër i madh i pjesëtarëve të ushtrisë besnike ndaj Asadit.
Ende nuk dihet se a e kanë goditur raketat pallatin, derisa në internet është paraqitur videoincizimi që tregon sulmin mbi pallatin presidencial, njofton agjencia turke e lajmeve Anadollya.
Njësia ushtarake “Forcat e Damaskut”, që ka sulmuar zyrën e presidentit është e njohur si njësi që vepron në kuadër të forcave kryengritëse.
